மிதிலைக் காட்சிப் படலம் - 623

பிராட்டி பின்னும் வேட்கை மிகுதியாற் பிதற்றல்

623.

என்று இவை இனையன விளம்பும் ஏல்வையின்.
‘நின்றனன். இவண்’ எனும்; ‘நீங்கினான்’ எனும்;
கன்றிய மனத்து உறு காம வேட்கையால்.
ஒன்று அல. பல நினைந்து. உருகும்காலையே.
 
என்று இவை- என்று இவற்றையும்; இனையன -  இவை  போன்ற
பலவற்யையும்; விளம்பும் ஏல்வையின் - (சீதை) தனக்குள்  கூறுகின்ற
பொழுதில்;  இவண்   நின்றனன்  எனும் - (உரு   வெளிப்பாட்டில்
அவன் தன்  எதிரில்  தோன்ற)  நான்  முன்பு  பார்த்த வீரன் இதோ
இங்கு  நிற்கின்றான்  என்பாள்;  நீங்கினான்    எனும்  - (உடனே
அவ்வுரும் மறைதலால்)  நீங்கிவிட்டான்  என்பாள்; கன்றிய  மனத்து
- (இவ்வாறு சீதை) வெதும்பிய மனத்தில்; உறு காம வேட்கையால் -
மிகுந்த காம விருப்பத்தால்; ஒன்று அல பல  நினைந்து  -  ஒன்று
மட்டுமல்ல. பலவற்றையும்   எண்ணி   எண்ணி்; உருகும் காலை  -
மனம் உருகும்பொழுது;   காம  வேட்கை;   காமனால்   உண்டாகிய
வேட்கை;   காமமாகிய வேட்கை.                            60