மிதிலைக் காட்சிப் படலம் - 624

சூரியன் அத்தமித்தல்

கதிரவன் மறைதலும் அந்திமாலையின் தோற்றமும்
 
624.

அன்ன மென் நடையவட்கு அமைந்த காமத் தீ.
தன்னையும் சுடுவது தரிக்கிலான் என.
நல் நெடுங் கரங்களை நடுக்கி. ஓடிப்போய்-
முன்னை வெங் கதிரவன் - கடலில் மூழ்கினான்.
 
அன்ன   மென்- அன்னம் போன்ற   மெல்லிய; நடையவட்கு -
நடையை  உடைய   சீதைக்கு;   அமைந்த   -  (உடம்பு  முழுதும்)
பொருந்தின்; காமத்தீ  - காமமாகிய நெருப்பு்; தன்னையும்  சுடுவது
- (மேலே   எழுந்து   இயல்பாக  வெப்பம்  கொண்ட)  தன்னையும்
எரிப்பதை;  தரிக்கிலான்   என  -   பொறுக்கமாட்டாதவன்போல்;
முன்னை    வெம்     கதிரவன்  -    பழைமையான  வெப்பக்
கதிர்களையுடைய சூரியன்; நல்  நெடு  கரங்களை  -  தன்னுடைய
நீண்ட   கைகளை;   நடுக்கி -  நடுங்கச்  செய்து;  ஓடிப்போய் -
விரைந்து   சென்று;   கடலில்  மூழ்கினான் - (மேற்குக்) கடலிலே
மூழ்கினான்.  

சீதையின்   காமத் தீ இயற்கை வெப்பமுள்ள கதிரவனையும் சுடும்
வல்லமை      பெற்றதாயிற்று.     வெப்பம்       முதலானவற்றால்
துன்பப்படுகின்றவர்க்கு கைகள் நடுங்குதல் இயல்பு.              61