father
כי ידעתיו למען אשר יצוה את בניו ואת ביתו אחריו ושמרו דרך יהוה לעשות צדקה ומשפט למען הביא יהוה על אברהם את אשר דבר עליו׃
בראשית 18 : 19
על כן יעזב איש את אביו ואת אמו ודבק באשתו והיו לבשר אחד׃
בראשית 2 : 24
כבד את אביך ואת אמך למען יארכון ימיך על האדמה אשר יהוה אלהיך נתן לך׃
שמות 20 : 12
ויעבר יהוה על פניו ויקרא יהוה יהוה אל רחום וחנון ארך אפים ורב חסד ואמת׃
שמות 34 : 6
ויאמר משה אל העם אל תיראו התיצבו וראו את ישועת יהוה אשר יעשה לכם היום כי אשר ראיתם את מצרים היום לא תסיפו לראתם עוד עד עולם׃
שמות 14 : 13
יברכך יהוה וישמרך׃
במדבר 6 : 24
והיו הדברים האלה אשר אנכי מצוך היום על לבבך׃
דברים 6 : 6
ובמדבר אשר ראית אשר נשאך יהוה אלהיך כאשר ישא איש את בנו בכל הדרך אשר הלכתם עד באכם עד המקום הזה׃
דברים 1 : 31
ואמר אלכם לא תערצון ולא תיראון מהם׃
דברים 1 : 29
רק השמר לך ושמר נפשך מאד פן תשכח את הדברים אשר ראו עיניך ופן יסורו מלבבך כל ימי חייך והודעתם לבניך ולבני בניך׃
דברים 4 : 9
