திருவேற்காடு

பாடல் 680

தானந்தா தனதான தானந்தா தனதான 
தானந்தா தனதான ...... தனதான 

ஆலம்போ லெழுநீல மேலங்காய் வரிகோல 
மாளம்போர் செயுமாய ...... விழியாலே 

ஆரம்பால் தொடைசால ஆலுங்கோ புரவார 
ஆடம்பார் குவிநேய ...... முலையாலே 

சாலந்தாழ் வுறுமால ஏலங்கோர் பிடியாய 
வேளங்கார் துடிநீப ...... இடையாலே 

சாரஞ்சார் விலனாய நேகங்கா யமன்மீறு 
காலந்தா னொழிவேது ...... உரையாயோ 

பாலம்பால் மணநாறு காலங்கே யிறிலாத 
மாதம்பா தருசேய ...... வயலூரா

பாடம்பார் திரிசூல நீடந்தா கரவீர 
பாசந்தா திருமாலின் ...... மருகோனே 

வேலம்பார் குறமாது மேலும்பார் தருமாதும் 
வீறங்கே யிருபாலு ...... முறவீறு 

வேதந்தா வபிராம நாதந்தா வருள்பாவு 
வேலங்கா டுறைசீல ...... பெருமாளே. 
பாடல் 681 
ராகம் - ஸிம்மேந்திர மத்யமம் 
தாளம் - திஸ்ர த்ருபுடை 

தாத்தாதன தானன தானன 
தாத்தாதன தானன தானன 
தாத்தாதன தானன தானன ...... தனதான 

கார்ச்சார்குழ லார்விழி யாரயி 
லார்ப்பால்மொழி யாரிடை நூலெழு 
வார்ச்சாரிள நீர்முலை மாதர்கள் ...... மயலாலே 

காழ்க்காதல தாமன மேமிக 
வார்க்காமுக னாயுறு சாதக 
மாப்பாதக னாமடி யேனைநி ...... னருளாலே 

பார்ப்பாயலை யோவடி யாரொடு 
சேர்ப்பாயலை யோவுன தாரருள் 
கூர்ப்பாயலை யோவுமை யாள்தரு ...... குமரேசா 

பார்ப்பாவல ரோதுசொ லால்முது 
நீர்ப்பாரினில் மீறிய கீரரை 
யார்ப்பாயுன தாமரு ளாலொர்சொ ...... லருள்வாயே 

வார்ப்பேரரு ளேபொழி காரண 
நேர்ப்பாவச காரண மாமத 
ஏற்பாடிக ளேயழி வேயுற ...... அறைகோப 

வாக்காசிவ மாமத மேமிக 
வூக்காதிப யோகம தேயுறு 
மாத்தாசிவ பாலகு காவடி ...... யர்கள்வாழ்வே 

வேர்காடவல் வேடர்கள் மாமக 
ளார்க்கார்வநன் மாமகி ணாதிரு 
வேற்காடுறை வேதபு ரீசுரர் ...... தருசேயே 

வேட்டார்மக வான்மக ளானவ 
ளேட்டார்திரு மாமண வாபொனி 
னாட்டார்பெரு வாழ்வென வேவரு ...... பெருமாளே.