திருவல்லம்

பாடல் 665
தனதன தானந் தனதன தானந் 
தனதன தானந் ...... தனதான 

நசையொடு தோலுந் தசைதுறு நீரும் 
நடுநடு வேயென் ...... புறுகீலும் 

நலமுறு வேயொன் றிடஇரு கால்நன் 
றுறநடை யாருங் ...... குடிலூடே

விசையுறு காலம் புலனெறி யேவெங் 
கனலுயிர் வேழந் ...... திரியாதே 

விழுமடி யார்முன் பழுதற வேள்கந் 
தனுமென வோதும் ...... விறல்தாராய் 

இசையுற வேயன் றசைவற வூதும் 
எழிலரி வேழம் ...... எனையாளென் 

றிடர்கொடு மூலந் தொடர்வுட னோதும் 
இடமிமை யாமுன் ...... வருமாயன் 

திசைமுக னாருந் திசைபுவி வானுந் 
திரிதர வாழுஞ் ...... சிவன்மூதூர் 

தெரிவையர் தாம்வந் தருநட மாடுந் 
திருவல மேவும் ...... பெருமாளே.